Mýrarboltinn

Eins og í fyrra erum við með straumlínulagað skráningarferli á föstudagskvöldið.

Armbandið er nauðsynlegt

• til að mega keppa
• til að mega koma á lokahófi, matinn og ballið
• til að fá frítt inn á Ömmu Habbý á föstudags- og laugardagskvöld 

Á skráningarkvöldinu verðum við með tvær raðir, fljótu röðina og hægu röðina. Fljóta röðin er fyrir góðu og þægu börnin og hæga röðin fyrir óþekktarangana sem lesa ekki leiðbeiningarnar.

1. Millifæra

Millifærðu fyrir alla í liðinu (að frádreginni staðfestingargreiðslunni). Prentaðu út kvittun. Sendu kvittun á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Passaðu að nafnið á liðinu sé í skýringu. Þá geturðu farið í fljótu röðina og fengið úrlausn þinna mála fljótt og örugglega. Lokafrestur til að millifæra er 15:00 á föstudag.

Bankaupplýsingar: banki: 0156-05-64523, kt: 490106-2190

Í hægu röðina fara þeir sem

• borga fyrir einn og einn í einu
• setja ekki skýringu
• senda ekki kvittun í tölvupósti eða prenta hana ekki út
• millifæra eftir klukkan 15:00

2. Borga á skráningakvöldinu

Í fljótu röðina fara þeir sem borga (í peningum eða með kortum) fyrir alla í einu á Ömmu Habbý í Edinborgarhúsinu á föstudaginn.

Í hægu röðina fara þeir sem

• borga fyrir einn og einn í einu

Nokkrar spurningar

Er hægt að borga á laugardeginum?
Bara í undantekningartilvikum. Best er að fyrirliðinn sjái um að sækja armbandið fyrir þá sem komast ekki strax. Skrapliðsmenn sem komast ekki á skráningarkvöldið geta t.d. borgað á laugardeginum.

Hvenær og hvar kaupir maður miða á lokahófið og ballið (fyrir þá sem komast ekki á mótið sjálft)?
Á skráningarkvöldinu kaupir maður miða á lokahófið og ballið (t.d. fyrir maka eða þá sem geta ekki keppt). Verðið er 5000 kr. fyrir það. Takmarkað magn fyrstir koma fyrstir fá.

Er hægt að fá endurgreitt ef borgað er fyrir of marga?

Já, en ekki fyrr en eftir mót þegar rykið hefur sest og drullan skolast burt.

En með skrapliðin?
Skrapliðsfólk fær að fara í fljótu röðina til að borga fyrir sig. Gummi yfirskrapari verður á staðnum til að stilla saman strengi (690-9999). Verið er að útvega stuttermaboli í samstæðum litum fyrir skrapliðin.

Fleiri spurningar? Komdu á skráningarkvöldið!

Skráningakvöldið

Skráningin hefst kl. 20:00 í stóra salnum í Edinborgarhúsinu. Klukkan 22:00 er dregið í riðla, reglur kynntar og leikskipulag útskýrt og sýnt. Fundarstjóri er gleðipinninn Hálfdán Bjarki Hálfdánarson. Skráningarkvöldinu lýkur um klukkustund seinna. Mælt er með því að fá sér bjór á barnum og byrja að semja hvatningarsöngva.

Í dag kl 19 (ath breytt tímasetning) verður haldið dómaranámskeið fyrir dómara á mýrarboltanum. Námskeiðið er opið öllum sem eru áhugasamir um að vera dómarar.

Á námskeiðinu verður farið yfir reglur og helstu áherslur í dómgæslu. Þeir sem mæta og komast í gegnum námskeiðið frá B réttindi dómara frá Mýrarboltafélagi Íslands. Þeir sem mættu á námskeiðið í fyrra gefst kostur á að mæta aftur á námskeiðið í og hljóta í lok þess hin eftirsóttu A réttindi dómara frá Mýrarboltafélagi Íslands, sem gefur alþjóðleg dómararéttindi í mýrarbolta og eru þar með gjaldgengir til að dæma alþjóðlega mýrarboltaleiki (landsleiki).

Námskeiðið er í Íþróttahúsinu á Torfnesi á Fimmtudaginn kl.19

Leikir eru allir 2 x 8 mínútur.

Kvennadeild

Riðlar í kvennadeild eru 6 liða. Hvert lið leikur þrjá leiki, og mun hvert lið því ekki keppa við tvö lið úr sínum riðli.

Að leik loknum eru tvö efstu lið í hverjum riðli sett í átta liða úrslit, sem og tvö af þremur stigahæstu liðum í þriðja sæti. Þau lið sem tapa í 8 liða úrslitum fá að keppa um 5-6 sæti með því að leika einn leik til viðbótar. Þau lið sem halda áfram fara í undanúrslit og úrslit. Leikinn er leikur um bronsið.

Þau 12 lið sem ekki komast í útsláttarkeppnina leika í gleðideildinni. Þar eru leiknir tveir leikir við önnur lið í gleðideildinni. Dregið er í leikina.

Karladeild

Í karlaflokki eru þrír fjögurra liða riðlar og þrír fimm liða. Í fjögurra liða riðlum leika allir við alla, en í fimm liða riðlum leikur hvert lið þrjá leiki nema eitt lið, sem leikur fjóra. Fjórði leikurinn hjá því liði telur ekki í stigatalningunni.

Að leik loknum eru öllum liðum úr öllum riðlum raðað upp eftir stigafjölda. Sextán efstu liðin fara í útsláttarkeppni, þar sem efsta liðið keppir á móti því í sextánda sæti, annað liðið við það í fimmtánda og svo framvegis. Þau lið sem tapa í 16 liða úrslitum fá að keppa um 9-12 sæti með því að leika einn leik til viðbótar. Þau lið sem halda áfram fara í átta liða úrslit, undanúrslit og úrslit. Leikinn er leikur um bronsið.

Þau 11 lið sem ekki komast í útsláttarkeppnina leika í gleðideildinni. Þar eru leiknir tveir leikir við önnur lið í gleðideildinni. Dregið er um hvaða lið leika gegn hverjum.

Með þessu fyrirkomulagi fá öll lið að leika tvo leiki seinni daginn og komið er til móts við bæði keppnisfólk og gleðikeppendur. Ljóst er að einhverjum finnst e.t.v. uppröðunarkerfið í útsláttarkeppnina vera ósanngjarnt, en á móti kemur að dregið er í riðla og um það á móti hvaða liðum hvert lið leikur í riðlum, svo það ætti ekki að vera of íþyngjandi.

Hvenær?

Keppt er fyrri daginn frá 10 til 18. Seinni daginn er keppt frá 11:30 til 18:00. Ekki er tekið við séróskum þegar kemur að því að raða liðum á leiktíma. Reynt er að haga pásum á milli leikja þannig að þær verði stuttar ef veður er vott en aðeins lengri ef veður er gott. Hvert lið ætti þó ekki að þurfa að vera drullugt lengur en 4 tíma fyrri daginn, en seinni daginn þurfa þau lið sem komast áfram náttúrulega að vera drullug lengi dags.

Mýrarboltinn er mikið í fjölmiðlunum þessa dagana. Hér er brot af því besta.

Drullan heillar. Sjónvarpsfrétt hjá RÚV.

Veraldarvinir sjá um umferðareftirlit. Frétt á bb.is.

Kvennaburður í mýri. Frétt á dv.is.

Eiginkonuhlaup, sápubandí og tvöfaldur fjöldi drullumallara. Frétt á bb.is.