Mýrarboltamótið 2012 verður haldið á Verslunarmannahelginni. Eyjólfi Sverrissyni verður ekki boðin landsliðsþjálfarastaða aftur, eftir klúðrið í fyrra. Þess í stað verður róið á önnur mið, vonandi gjöfulli.
Aðskilnaðarsamtök Vestfjarða mýrarboltameistarar 2011
Mýrarboltamótið gekk frábærlega. Þátttakendur voru margir, en — sem meira er um vert — afar skemmtilegir. Veðrið var gott og aðstæður allar ákjósanlegar.
Aðskilnaðarsamtök Vestfjarða vilja aðskilnað frá meginlandinu.
Mýrarboltameistararnir þetta árið, og liðið sem hampaði mýrarboltabikarnum, stærsta bikar í íslenskri íþróttasögu eru Aðskilnaðarsamtök Vestfjarða.
Eins og áður hefur komið fram er mýrarboltabikarinn veittur annaðhvort sigurliði karladeildar eða sigurliði kvennadeildar á grundvelli vinningshlutfalls. Bikarinn er þannig sameiginlegur fyrir báðar deildir.
Mýrarboltafélag Íslands þakkar fyrir sig og býður drullupjakka velkomna að ári, á sama tíma og á sama stað.
Drulluflottar og góðtemplararnir unnu
FC Drulluflottar sigruðu kvennadeild mýrarboltamótsins í ár. Ofurkonur unnu til silfurverðlauna og Purple cobras náðu þriðja sætinu.
Aðskilnaðarsamtök Vestfjarða, sem ritstjórn kallar Góðtemplarasamtök Vestfjarða, vann karladeildina eftir úrslitaleik við FC Rangstæða sem unnu þannig silfurverðlaun. Píkubanar kræktu í bronsið.
Ekki verður gefið upp strax hvaða lið hreppir mýrarboltabikarinn og verður titlað mýrarboltameistari ársins 2011. Það verður tilkynnt í kvöld á lokahófinu.
Viðbót 1. ágúst: Þessi frétt hefur verið kærð af Aðskilnaðarsamtökunum. Þau vilja koma á framfæri að liðsmenn væru ekki góðtemplarar heldur miklir drykkjumenn sem, eftir að hafa verið feður í nokkur ár, eru orðnir vanir að vakna snemma og kveinka sér ekki yfir smámunum eins og þynnku. Ritstjórn samþykkir kæruna.